ବାଲେଶ୍ଵର: ବାଲେଶ୍ଵର ଜିଲ୍ଲା ରସାଳପୁରର କାରିଗର ରାମଚନ୍ଦ୍ର ମହାରଣା । ରାମଚନ୍ଦ୍ର ନିଜର କୌଳିକ ବୃତ୍ତି ସମ୍ଭାଳିବା ସହ ପରିବାର ପ୍ରତିପୋଷଣ ପାଇଁ କାଠରେ ବିଭିନ୍ନ ଘରକରଣା ଓ ଆସବାବପତ୍ର ତିଆରି କରୁଥିଲେ। ହେଲେ ଜଗା ଦର୍ଶନ ପରେ ରାମଚନ୍ଦ୍ରଙ୍କ ମନ ବଦଳି ଯାଇଥିଲା । ଆଉ ସେଦିନ ଠାରୁ ତାଙ୍କ ନିହାଣ ଓ ବାରିଶି କେବଳ ଜଗନ୍ନାଥଙ୍କ ମୂର୍ତ୍ତି ଗଢିବାରେ ସମର୍ପିତ। ଜଗତର ନାଥ ଜଗନ୍ନାଥ। .ସେ ଆକାର ଓ ନିରାକାର । ତାଙ୍କ ରୂପ ଅବର୍ଣ୍ଣନୀୟ । ଭାବ ବିନୋଦିଆ କାଳିଆ ଠାକୁର ନିଜ ଡୋରିରେ ସାରା ବିଶ୍ବକୁ ବାନ୍ଧି ରଖିଛନ୍ତି ।
ଧନୀରୁ ଗରିବ ସବୁ ତାଙ୍କର ଆପଣାର, ସବୁ ତାଙ୍କ ପ୍ରେମରେ ବନ୍ଧା । ବାଲେଶ୍ଵର ଜିଲ୍ଲା ରସାଳପୁରର କାରିଗର ରାମଚନ୍ଦ୍ର ମହାରଣା । ରାମଚନ୍ଦ୍ର ନିଜର କୌଳିକ ବୃତ୍ତି ସମ୍ଭାଳିବା ସହ ପରିବାର ପ୍ରତିପୋଷଣ ପାଇଁ କାଠରେ ବିଭିନ୍ନ ଘରକରଣା ଓ ଆସବାବପତ୍ର ତିଆରି କରୁଥିଲେ। ହେଲେ ଜଗା ଦର୍ଶନ ପରେ ରାମଚନ୍ଦ୍ରଙ୍କ ମନ ବଦଳି ଯାଇଥିଲା । ଆଉ ସେଦିନ ଠାରୁ ତାଙ୍କ ନିହାଣ ଓ ବାରିଶି କେବଳ ଜଗନ୍ନାଥଙ୍କ ମୂର୍ତ୍ତି ଗଢିବାରେ ସମର୍ପିତ। ନିମ୍ବ କାଠରେ ସେ ଛୋଟ ରୁ ବଡ଼ ଆକାରର ମୂର୍ତ୍ତି କରି ସ୍ଥାନୀୟ ବଜାରରେ ବିକ୍ରି କରିବା ସହ ରାଜ୍ୟ ତଥା ରାଜ୍ୟ ବାହାରକୁ ପଠାଉଛନ୍ତି । ଏଭଳି କି ବିଦେଶରେ ମଧ୍ୟ ତାଙ୍କ କଳାର ଚାହିଦା ବଢ଼ିଲାଣି ।
ତାଙ୍କ ମୂର୍ତ୍ତି ଦେଖିବାକୁ ଯେଭଳି ସୁନ୍ଦର ସେଭଳି ଆକର୍ଷଣୀୟ । ରାମଚନ୍ଦ୍ର ଜଣେ ଭଲ କାଠ କାରିଗର ଭାବରେ ସ୍ଥାନୀୟ ଅଞ୍ଚଳରେ ପରିଚିତ । ୧୯୯୬ ମସିହା ପରଠାରୁ ସେ କେବଳ ଜଗନ୍ନାଥଙ୍କ ମୂର୍ତ୍ତି ନିର୍ମାଣ କରିବାରେ ଲାଗିପଡିଛନ୍ତି । ସେ ଜଣେ ନିଆରା ଭକ୍ତ ଓ ଏଭଳି ମୂର୍ତ୍ତି ତିଆରି କରି ସେ ଖୁବ ଆନନ୍ଦ ପାଆନ୍ତି ବୋଲି କୁହନ୍ତି । ମୂର୍ତ୍ତି ନିର୍ମାଣ କାର୍ଯ୍ୟ ବେଳେ ଖୁବ ସୁଦ୍ଧତା ଅବଲମ୍ବନ କରିବାକୁ ପଡ଼େ। ସାନପୁଅ ମଧ୍ୟ ଏହି କାର୍ଯ୍ୟରେ ତାଙ୍କୁ ସହଯୋଗ କରନ୍ତି । ତାଙ୍କ ମୂର୍ତ୍ତି ଶାଳରେ ୫୦୦ ଟଙ୍କା ରୁ ଆରମ୍ଭ କରି ୩୦ହଜାର ଟଙ୍କା ପର୍ଯ୍ୟନ୍ତ ମୂର୍ତ୍ତି ମିଳେ । ଭଗବାନ ଓ ଭକ୍ତର ସମ୍ପର୍କ ଅବର୍ଣ୍ଣନୀୟ, ଅଲୌକିକ। ।